ماشية بالشارع وكله احمر المحلات والبني ادمين وكل الدنيا استغربت وقعدت اتسأءل مع نفسي يا ترى يا هل ترى ايش السبب
ادور بمخي في تاريخ مجزرة قريب حرب
اي اشي
اي انا وين فكري راح يقطع مخي وين دايما بروح لبعيد
مش قضيتنا
نرجع للاحمر
اكتشفت انه قال ايش عيد الحب
المهم وانا بفكر في هاليوم العظيم يعني اللي بحبوا بعض اكيد في مناسبات تانية يتزكروا حالهم فيها
يعني ذكرى زواجهم خطبتهم او ارتباطهم ولا تزعلوولا هي بس زيادة مصاريفيبي مشطرنا احنا اسرع منطلع اعياد
هو انا اللي بعرفهم عيدين
واحد تبع الفلوس
ايون اللي بعد رمضان عيد الفطر هو تبع الكعك وهو من المرات اللي بحمد ربي اني بنت يحرام الشباب بيصعبوا عليا نازلين تك
وكله فداء لصلة الرحم
والعيد التاني تبع اللحمة اللي هو عيد الاضحى تبع الفتة والمقلوبة والمنسف والذي منه جعت
مش عارفة ليش دايما اعيادنا بنربطها بالاكل
ثقافة شعبية
والاعياد التانية الاجازات
عيد الاستقلال صحيح مش شايفينه بس اسمه ذكرى تاريخية وبناخده اجازةوكنا بنحتفل بعيد الام وعشان منجيبش للمعلمات كنا نحكي بدعة
مرة وانا بتوجيهي ايام ابو عمار الله يرحمه اخدنا عيد المرأة اجازة
سمعاكم بتحكوا مهي الاعياد والايام كتيرة اجت عهادا
اه اجت عهادا يعني هديك احتفالات عائلية للعيلة كلها بس هادي شخصية لاتنين بس يعني مناسبة خاصة لازم تاريخها يكون خاص مش كل الدنيا طالعة بالشارع لابسة احمر
بدهم قطيع ثيران يزبطهم
وطبعا تكثر الجرائم في هادا اليوم
يعني تلاقي اتنين عصافير بمطعم بيحتفلوا والشاب ماسك ايدها وبقولها متى نكون ببيتنا يا
وقبل ما يكمل الجملة يجيه صوت من حيث لا يعلم تنهد حيطانه فوق راسك يا بعيد
طبعا بعد ميفوق من الغيبوبة بيحكوله انه هادا اخوها للبنت كان جاي هو وصاحبته يحتفلوا وشافهم وجرها من شعرها للبيت وابوها عاد
لو كان متفتح حيحكيلها
طلعة برا الدار مفش تفتحي بلكونة تفتحي شباك بفتح راسك وأول حمار يخبط باب الدار حرميكي اله
واذا مكانش عاد بنصلي المغرب عليها وبندعيلها بالرحمة
ايش بنستنتج من هادي الشغلة يا بنات
انه بصيرش هالحكي يعني ليش لنعرض حالنا لهيك مواقف سخيفة
المطعم اللي بتعرفي اخوكي بروحه تروحيش عليه
معلش طولت عليكو
بس اخر اشي بدي احكيه في بالي
كل ما تيجي سيرة الحب وعيده بتزكر اخونا فان جوخ
مش عارفة ليش بتخيله هو وحبيبته كالتالي
حبيبته لفان جوخ؛فينو عمري بتعرفهو(منزعجا)؛ايش يا عمري صرت خبز عاخر حياتيهي(لاوية بوزها)؛ايش اعملك يعني مهوا اسمك ملهوش دلع فش ولا اشي بيزبطهو(مبتسما)؛ ولك يا هبلة بمزح معك ايش كنتي بدك تحكيهي (بدلال)؛آه كنت بدي احكيلك عارف ايش اكتر حاجة بتعجبني فيكهو(خياله سرح برسوماته العبقرية)ايش يا عمريهي بخجل؛ودنكهووعلامات التعجب فوق راسه:نعم يختيهي ودنك يو والله بتجنن اصلا انا حبيتك عشان خاطرها
اجا عيد الحب عليه وهو بفكر في هالحوار الرومانسي وهو مفلس ومعوش ولا اغورة فقرر يوهبها اعز ما يملك
هي بتفتح الهدية ومندهشة من منظر راسه الملفوفةوشافت شو اعطاها
واطلعت فيه بكل رومانسية
حبيبي خلص احنا مننفعش لبعض
هو بس بس
هي فكك بقى يا ظريف متخلينا اصحاب احسن
وسابته بعد ما اخدت اعز ما يملك ودنه
اي هو الاهبل التاني يأمن عليها لودنه قال اعطاها اياها
فيا جماعة بنصل لانه الحب اشي عظيم كتير بس احنا بنقلل من قيمته بالبلاوي اللي بنعملها بحقه
عشان هيك لو حد لسا موداش هديته لحد وافتنع بكلامي
انتو عارفين وين بتلاقوني
ليست هناك تعليقات:
إرسال تعليق